Ձեռք մը;Թարա Էքմէքճի Յարութիւնեան

Ձեռք մը կը շոյէ, կը խաղայ, կ՚ուրախանայ ու կ՚օգնէ։ Յետոյ քիչ մը կը մեծնայ եւ ուրիշ ձեռք մը կը գտնէ։ Հապա քու ձեռքդ ի՞նչ կ՚ընէ։ Թարա Էքմէքճի Յարութիւնեանի առաջին գործը ըլլալով, «Ձեռք մը» գիրքը հրաւէր մըն է փոքրիկներուն՝ բացայայտելու իրենց շուրջի աշխարհը, զգացումներն ու առօրեայ արկածները։ Նկարազարդողն է Թինա Քոբման, որ իր ինքնատիպ ու գունագեղ արուեստով պատրաստած է այս էջերը։ Գիրքը մեղմ է ու սիրով լեցուն, կը պատմէ խաղի, փնտռտուքի ու իրարու օգնելու մասին եւ պատրաստ է ջերմացնելու ձեր փոքրիկներուն ձեռքերն ու սրտերը: