Şahê Maran û Loqman Hekîmî

Nê kitabî de hewt estanikê Şahê Maran cagênê. Nê estanikî cîya-cîya herêman ra ameyê arêdayene û goreyê fekanê herêman ameyê nuştene. Ma bi nê varyant û motîfanê estanikan hem eşkenî ziwanî biderîme têver hem zî estanikî senî goreyê babet û muhtewa herême bi herême vurîyenê eşkenîme zaf zelal bivînîme. Estanika Şahê Maran estanikêda zaf kehen a û dewro entîkî ra ameya reşta roja ewroyî. Estanika/ efsaneya Şahê Maran derheqê kultur, bawerîye û fikirîyayîşê şarê ma de zaf melûmatan şanena ma ver. Ma ewro Kurdistan de hema-hema keyeyê her kurdî de –bitaybetî keyeyanê kurdanê elewîyan de– eşkenîme resmê Şahê Maran bivînîme. Ewro zî Şahê Maran bi resm û hîkayeya xo ya kehene kultur û hişê şarê ma de ciwîyeno.