Zerzeng

ZERZENG
Bi qûdreta ilahî wa dewr güherî
Hilweşiya çerxa ereb ecem û rûm
Mizgînî li te ey melayê Cizirî
Êdî ew in di kavilan da mane bûm
Em ji bûne xwedî ilm û qelem
Di çavên wan de mane mix û kelem
Melayê min nexwe êdî kul û xemê
Keç û xortên te bûne taca serdemê
Neviyên te dimeşin beş bi beş
Bi ala rengin xemilandine çiya û deşt
Êdî em ji xwedî milûk û rêber in
Ser bilindî di nava alemê digerin
Melayê min ka binêre li vê hikmetê
Çi anîn serê me îro bi serê wa jî tê
Ew mane bitenê bê heval û rezil
Em in xwedî dost û hebîb û xelîl
Ew mane li vê dinê zelîl û xulam
Sed selam li ser Mela û Feqî û Xan
Her bijî melayê min bextewarî li bihuşt
Wan şîretê bi nirx te ji mere hişt
Bê xwedî nema mirata te baş bizan
Şagirtê te li bircê bilind qir dikin azan
Banga sibehê min berê xweda qibleyê
Ji bona şikirê çûme secdeyê
Şikir bê hesab ya xaliqê zûlcelal
Daye me welatek bihuşt û pir delal