Dîmenek Ji Zêmarên Herêma Mêrdînê

DIMENEK JI ZÊMARÊN
HERÊMA MÊRDÎNÊ
Zêmar, di nav edebîyata devkî de cihekî taybet digirin û bûne nîşana êş û azarên gelê Kurd. Ev cureyê kilaman, ku ji kûrahiya dîrokê tên, bûye dengê dilên şikestî û birîndar. Bi rîtm û gotinên xwe yên xemgîn, zêmar ne tenê qeydên derd û keserên takekesî ne, di heman demê de şahidên serpêhatî û dilêşiyên civakî ne jî. Ji ber vê yekê, gava ku em îro guhdarîya zêmaran dikin, em ne tenê stranekê dibihîzin, em rûpelekê ji dîroka mirovahiyê û ji dîroka civakê jî dixwînin. Ev stran, wek pira di navbera doh û îro de, serpêhatiyên mirovan ên herî dilsoj û bîranînên wan ên herî kûr neqlî nifşên nû dikin.
Ji wê rojê ve ku mirovan li ser rûyê erdê weke civak dest bi jîyanê kirine û heta îro, zêmar di nav jîyana wan de cih girtine. Li her derê cîhanê, her gelî li gorî çand û zimanê xwe, bi rêya zêmaran hestên xwe anîne ziman. Ev kevneşopiya zêmaran, li gelek civakên cuda yên li seranserê cîhanê hatîye dîtin û heta roja îro jî berdewam dike.