Galgal

Min wextekê di malpera www.nefel.com'ê de kolumnîstî dikir. Di ber re jî min hin caran nûçe û hevpeyvîn çêdikirin û ev kar wekî hobî dikir. Yanî ne karekî bi heq bû, min ji rizaya dilê xwe, wekî karekî xwebexş dikir. Gava min nêt kir ez bi hin nivîskar, zimannas û wergêran re li ser fikir û perspektîvên wan sohbetê bikim, hedefa min a pêşî ew bû ku bi 10 kesan re vî karî bikim, lê ji ber ku piştî du salan min dev ji hevkarîya Nefelê berda, ez negîhaştin hedefa xwe û ev sohbet bi şeş kesan re bisînorkirî ma. Gava min ew kar da ber xwe, nêta min ew bû ku dema xwendevan bixwazin wan kesan nas bikin, bila di derheqê wan de bibe xwedî agahdarîyên berfireh û di derbarê jîyana wan de bibe xwedî fikrekê, loma jî min çerçeweya van got û bêjan di forma sohbetê de pêk dianîn; bi gotineke dinê, min dixwest wan veçirim.
Îcar hûn bi galgal in, gelek sal di ser wan sohbetan re derbas bûn û ew bûn malê arşîvê, lê ji ber girîngîya wan me xwest em ji nuh de belav bikin û hafizeya xwînerên kurdî di derbarê fikir û tespîtên van ciwanmêran de teze bikin, loma jî rêya herî baş ew bû ku ew wek kitêbekê bihatana çapkirin.
Bi hêvîya ku bi dilê we be…